Kilti kréyol épi Sibi, radio-soukou

Sa ki pa janmen wè siklòn, pa mandé wè siklòn

Sé sa, popilasion-an ka di, pas adan kilti-a, adan lanng-lan, pawol-tala rété an tet tout moun lan.

Sé pou di, adan lakarayib-la popilasion-an ni pou sibi tout sé model risk la ki pé ni a. Sa vlé di, tranblad latè, siklòn, volkan, sinami.

Apré siklòn ki pasè, lè nou ka gadé léta Donmnik, ki tou pré nou. Tout konminikasion té ka fè fos anlè téléfòn fiks, téléfòn pòtab. Lè sé poto-a ki ka sipòté sé fil-la oben sé lémétè-a, tonbé, i pa rété ayen. Tout konminikasion mò.

Sa nou ka konprann, sé, sé primié soukou-a, si i ni, ka rivé twa a kat jou apré pasaj siklòn-la. Sé la nou ka wè, adan péyi-nou, lamenm la, sé nou menm ki pou endé kònou nou menm.

…..