Potomitan

Site de promotion des cultures et des langues créoles
Annou voyé kreyòl douvan douvan

KREYOLAD 929

Matinik chwézi dépité’y

24.06.2022

Jid

Entrée arrière de l'Assemblée nationale donnant sur la place du Palais Bourbon. Photo Thesupermat.
This file is licensed under the Creative Commons Attribution-Share Alike 3.0 Unported license.

Sanmdi pasé avan Lafrans, Matinik chwézi sé 4 dépité-a ké défann koz-li Lasanblé Nasional.

Kidonk atjelman nou konnet non sé kat dépité-a. Té ni kat boug Gran Sanblé, yo pies pa rivé sanblé asé vwa pou pasé.

Dan linò sé an dépité-mè, Maslen Nadeau, sé pa komin-li selman ki voté bay mé pliziè dot mè té ké sipòté’y.

Dan lisant atlantik sé Met Jiovani William ké alé défann koz moun ka soufè épi sargas ek klordékòn.

Pa koté Fodfrans sé Johnny Hajjar an mapipi PPM ki rété louvriyé met ché swa.

Dan Lisid aprézan éti yo té anonsé an brital konbakok, sé jenn kalagway-la ki genyen vié kok gwo-siwo a.

Man tann an malpalan (yo toujou la) i jik di:

— Sa an vié kok pres bòy  vini chèché an pit-la? I rivé fè an sel bek sé pa koté Laviè-Pilot!

Antouléka Lasanblé Nasional, prézidan-an menm pa trapé majorité. Sé atjelman travay sé dépité nou-an ouvè. Ni dé boug PÉYI-A anpami sé kat-la, es yo ké pé travay ba Matinik?

Nou ka rété véyatif sirtou épi zafè Klordékòn-lan ek Sargas, san palé di lavi chè ka pété frisi mol anlo anpami nou.

Dimanch pou lafet lé papa, ni yonndé yo koumansé gloriyé. Sa pa yenki kon avan éti yo té ka palé di absans yo. Prézans lé papa bò ich yo, yo ka koumansé rikonnet sa, magré kritik bililik ka kontinié fè sik.

Adan zafè votman-tala ni anlo moun éti pa menm pran lapenn déplasé pou voté. Pou yo sa pa nésésè, es yo ké pé wouspété dèmen?

Si zot sav, fè di mwen!

Jid

Bel poveb kréyol 667

«Pa janmen konté zé an tjou poul».

*

Sommaire Kréyolad

 Viré monté