Potomitan

Site de promotion des cultures et des langues créoles
Annou voyé kreyòl douvan douvan

Les vieilles expressions idiomatiques créoles
Juin 2019

Fè-kòsyè

Hector Poullet

Chemin dans la forêt tropicale. Photo Francesca Palli.

Evè mo « fè »
lang kréyòl-la ka fè-zafè
Tini sa pou fè
é sa pou pa fè
Kontèl
nou ni pou nou fè-fal douvan lavi
mé pa fè-kyoulong douvan travay.
Doubout pou fè-bèk menm lè nou pè
Pa fè-lapoul
ni fè-si nou
ni fè-lèd
ni fè-bèbèl nonpli
é kèlanswa
pa janmé fè-koukyanm
asi sa i pa tan-nou.

Toutfwa-zé-kant nou pé
fè moun ri
san fè ponmoun ri-nou
sav asi kimoun
nou pé fè-fon
San vlé fè-fòs asi ponmoun
ni fè-gòj
ni fè-gawoulé
ni fè-wodomon
ni fè-chalè

Epi pou bout
 lèwvwè mòn-la two rèd
pou nou monté-y
lè nou pa néta vansé
dwèt douvan-nou
davwa chimen baré
san chèché fè-kouboulin
ni pèdtan fè-lantèn
san fè-dézòd
nou ni pou nou
fè-pyé an-nou
épi fè-kòsyè !
Asèlfen nou rivé
la nou té désidé alé

boule

 Viré monté